12. 演繹推理幾何 > 與直線及平行線有關的定理

喺DSE入面，簡單嘅 演繹推理幾何 題目主要係考“俾幅圖你，然後叫你搵當中某幾隻角嘅角度(即係隻角係幾多度)”。題目中嘅圖形主要係由以下幾樣嘢組成：

• 直線和平行線
• 三角形
• 多邊形
• 圓形

而每一類別都有不少相關嘅定理。喺依度我唔打算講晒所有嘅定理。但放心，只要你識得依度有提嘅定理，大部份題目你都可以做到！

12.1. 直線及平行線有關的定理

好多同學都會覺得“演繹推理幾何”好難。原因主要係

• 同學覺得有好多定理要記
• 唔知幾時要用邊條定理

我嘅建議係

• 大家當幅圖係謎語
• 到底要用邊D定理，其實題目係有俾提示你嘅。
  • 只要留意提示，利用相關嘅定理計出相關嘅角，你就會有更多嘅提示。
  • 再利用一D更簡單嘅定理就可以計到答案。

依個就係學“演繹推理幾何”嘅要訣

例1：　求右圖中的未知數a。

解說：   

• 首先我哋最緊要首先睇吓幅圖有咩特別。
  • 好明顯有一對平行線，所以我哋“九成九”要用“同平行線有關”嘅定理。
  • 諗一諗D平行線定理，你會發現冇一個定理可以幫我哋直接求得a。
  • 但唔緊要，提示只係提示，我哋要做嘅，係用一次個提示。
• 如果你用“同位角”或者“內錯角”定理，只要求到嗰隻相等嘅角，你就會發現只要再用一次“直線上的鄰角”就可以計到a = 110^o；
• 如果你用“同旁內角”定理，你會發現只要再用一次“對頂角”就可以計到a = 110^o；