離差的概念

17.1 理解 離差的概念 (Understanding the Concept of Dispersion)

所謂嘅“離差的量度”，同學可理解為睇吓“到底D數據有幾分散”。而 離差的概念 係指要識得從數據中約感受數據分散得勁唔勁。

舉個例，考慮兩組數據： A組：5, 5, 5, 5, 5, 5   |   B組：3, 4, 5, 5, 6, 7

• 上面兩組數據都分別有6個數，而“平均數（ ）”、“中位數”同、“眾數”都係5。
• 咁你會點形容兩組數據有咩分別呢？
  可能你都會話“A組嘅數全部都係5，而B組就有D大過、5有D細過5。”
  • 咁形容絶對OK。

再考慮另外兩組數據： C組：1, 5, 5, 5, 5, 9   |   D組：3, 4, 5, 5, 6, 7

• 每組嘅數據數量、平均數、中位數同眾數都係一樣，而大家都有大過5同細過5嘅數。
• 咁你又會點形容兩組數據有咩分別呢？
  可能你會話“A組最細嘅數細過B組最細嘅數、而A組最大嘅數亦大過B組最大嘅數”。
  • 咁形容都OK。

咁如果兩組數據係： E組：1,1, 5, 5, 9, 9   |   F組：1, 4, 5, 5, 6, 9

• 每組嘅數據數量、平均數、中位數同眾數都係一樣，就連大家最大同最細嘅數都一樣。
• 咁你又會點形容兩組數據有咩分別呢？
  可能你會話“A組嘅細數同大數嘅數量比B組多”。
  • 咁形容都OK。

§ 如果你明白上面對唔同數據作比較時嘅形容，咁你就已經可以話掌握到咩叫到底D數據有幾分散”（即“離差嘅概念”）。