11. 圓的基本性質

喺學 圓的基本性質 嘅時候，我哋會見到一D喺初中時比較少見嘅詞語。為方便大家日後嘅學習，喺度會先講解吓依D詞語。

11.0 在幾何中有關圓形的常見詞彙 (Common Terms in Geometry about Circles)

• 弧線 (arc)：圓形周界嘅一部份。假如頭尾兩點分別係點A、B，弧AB可記作 。
• 弦線 (chord)：將弧線頭尾兩點相連嘅直線，可記作AB。
• 弓形 (segment)：一條弧線同佢相應嘅弦線所包圍嘅部份。
• 圓心角 (angle at centre)：從弧線兩端劃出兩條直線到圓心所形成嘅角
  　　　　　　　　　　　（因隻角係喺圓心，所以叫圓心角）。
• 圓周角 (angle at circumference)：從弧線兩端劃出兩條直線到圓周上所形成嘅角。
• 圓內接四邊形 (cyclic quadrilateral)：一個四個頂點都係喺圓周上嘅四邊形。
• 切線 (tangent)：數學上切線係“只係喺一點上接觸到個圓形嘅直線”。
  生活例子：枱上有個圓餅，放枝木棒喺枱面掂住個餅，支棒就係切線。

另大家留意：

• 喺依度我未必會列晒所有嘅定理出嚟。但放心，依D定理已經夠晒大家用！
• 而D英文嘅定理，我亦會用簡寫或喺當中用一D符號（因為考試時我哋都可以咁做），因此個別定理嘅寫法可能同大家學嘅會有出入。