A.4. 專門化及交易

專門化 係指：

• 生產者專注喺生產某一種（或某D）產出或者係專注從事某一生產工序嘅活動。

專門化 的最大好處係能夠提升生產力及效率。

• 咁係因為熟能生巧。
• 其次就係因為大家可以根據自己嘅能力、興趣、專長或者機會成本等等嚟決定專注喺生產咩產出。
  • 例如有農地嘅農夫可以耕田生產稻米、沿海生活嘅人可以捕魚、有金礦嘅人可以開採金磺。

因為人唔能夠自己生產出所有自己所需要（或想擁有）嘅產出，所以“交易”就出現咗。

交易係指：

• 人同人之間交換、購買或售賣產出嘅過程。

而交易能提供嘅最大好處係提升生活水平。

• 就個人層面嚟講，咁係因為透過交易，我哋就可以擁有更多唔同類型嘅產出（而當中更有D產出係我哋自己唔能夠生產嘅）。
• 而就社會層面嚟講，咁係有交易嘅出現，我哋就可以專門化社會嘅產出。因此社會嘅總產出會增加。

A.4.1.    交易作為 專門化 的條件

“交易作為專門化的條件”係指必項有“交易”才能有“專門化”。

• 咁係因為如果冇“交易”，我哋就必需要生產好多唔都嘅產出嘅滿足我哋自己嘅需要同慾望。因此我哋就唔可以專門化。