私有產權

A.3.3.    私有產權 及其在市場經濟中的重要性

喺經濟學入面， 私有產權 並唔係單單指出“到底件物品係邊個擁有”。

私有產權包括三個部分：

1. 私人使用權（或獨有使用權）
   • 指嘅係“自由決定物品使用嘅權利”。
2. 收入享受權（或獨享收入權）
   • 指嘅係“享有及自由決定物品嘅收入權利”。
3. 自由轉讓權
   • 指嘅係“自由決定將物品出售嘅權利”。

基於以上嘅定義，你可以見到物品嘅私有產權同“擁有權”基本上係冇直接關係。

• 只不過好多時當人擁有物品嘅“擁有權”嘅時候，其實佢都擁有物品嘅私有產權。
• 一個擁有權同私有產權可以分開嘅例子就係香港嘅土地供應。
  • 政府喺“賣地”嘅時候其實只係賣土地嘅私有產權，土地最終都係由香港政府所擁有。

私有產權可以話對市場經濟十分重要。

• 舉個例嚟講，點解“租碟”同“買碟”嘅所要付出嘅價錢會相差咁遠？
  • 咁係因為你“租碟”嘅時候只係付出金錢去買喺某一個時段嘅私人使用權。
• 另外你亦可以諗吓如果香港政府限制樓字嘅自由轉讓權，咁對香港嘅樓巿（例如樓價、成交數目）又會有咩影響呢？
  • 樓巿必定大跌！